Inside my Head

Its a crazy week inside my head. My mom keeps talking to me about her work and the thesis she needs to write and the whole time i'm just pretending to listen to her. Why? Because I'm busy talking to myself. Normal naman ang pakikipag-usap sa sarili. I'm sure maraming gumagawa noon. Ang hindi ko lang alam eh medyo alarming pala kapag nakikipag-usap ka sa sarili mo at naririnig ka ng mga tao na nakapaligid sayo. So i try to be quiet sometimes and just write it down.

RomZZ1: hindi maganda ang araw ko.

Romzz2: bakit naman

Romzz1: as usual hindi koalam

Romzz2: baliw ka talaga alam mo ba yon

Romzz1: araw-araw mo kayang pinapaalala sa akin. Minsan ipaalala mo rin sa akin na kailangan ko na uling magdiet dahil ang taba ko na naman. Hindi na magkasya sa akin ang pantalon ko.

Romzz2: hindi mo ako yaya. Alter ego mo ako. Paalalahanan mo ang sarili mo.

Romzz1: galit ka sa akin ano?

Romzz2: Buti alam mo. Dapat magtino ka na ilang kaibigan na ba ang nawala sayo dahil sa kaweirduhan mo? Naiintindiha ko naman na kailangan mo ng time alone pero kailangan ba talagang huwag magparamdama sa loob ng ilang buwan minsan nga taon pa. Nagbabago ang tao. Kapag ilang beses ka na nilang kinontak at hindi ka sumagot iisipin nila galit ka sa kanila o kaya ayaw mo sila sa buhay mo. At kapag bumalik ka na meron na silang sariling buhay at hindi ka na puwedeng sumingit doon.

Romzz1: Ayoko lang talagang masyadong napapalapit ang loob basta-basta kaya nga wala akong bestfriend. Mahirap kaya makinig sa problema nila. Ang hirap magbigay ng payo at ang makitawa sa mga corny na jokes. Alam mo ba yung pakiramdam na ang daming tao sa paligid mo pero yung isip mo lumilipad sa kawalan. Hindi naman sa ayaw ko sa kanila o pinaplastik ko sila. I mean nagbibigay naman ako ng advice kapag hiningan ako. Nakikinig naman ako kapag sinabi nilang makinig. Tumatawa naman ako sa magandang joke. Sinasabi ko rin kung ano ang nararamdaman ko minsan. At kapag umiyak ako sa problema nila hindi plastic yon. Hindi rin ako naninira ng tao.

Romzz2: sige na ikaw na ang mabait. Pero aminin mo ikaw ang dahilan kung bakit nagsasuffer ang lovelife natin.

Romzz1: at bakit natin?

Romzz2: at bakit hindi? alam mo puwede naman akong magpretend na imaginary friend mo o enemy kung gusto mo pero nungka na magkukunwari akong imaginary BF mo. hindi na kaya ng imagination natin yon. Tsaka hindi ka naman tomboy. 

Romzz1: so yun talaga ang kinakagalit mo sa akin?

Romzz2: ikaw naman kasi hindi pa nagsisimula ang romance pinuputol mo na.

Romzz1: paanong puputulin eh wala naman talaga. Alang naman magpretend ako ng meron eh wala naman talaga wala  wala.

Romzz2: akala mo lang wala pero meron meron meron.

Romzz1: kailangan ko siguro ng alter ego na hindi corny. Nagamit na ng lahat ng bading sa comedy bar yang linya mo.

Romzz2: classic ang tawag dyan.Oo nga pala isa ka nga pa lang Noranian. Baguhin natin... Walang himala.
Hindi lalabas ang prince charming mo sa jack in the box at lalong hindi siya lalabas sa TV malamang si sadako lumabas dyan at kainin ka ng buhay.

Romzz1: hoy kahit nakikipag-usap ako sayo realist ako. Iisa lang si Cinderalla at walang dugong bughaw sa Pilipinas. maraming berde pero hindi ko rin sila gusto.

Romzz2: pero aminin mo may mga nagustuhan ka naman dati at siguro naman nagustuhan ka rin naman nila. Dahil sa totoo lang hindi ka naman kakausapin ng mga yon kung hindi ka nila gusto. Wala ka namang perang panlibre, wala kang kotse at alam nilang hindi ka friendly ni hindi ka nga nagpapakopya sa exam dati. Ang tanong bakit kapag naiinlove ka baligtad ang ginagawa mo? imbis na lumapit ka lalo kang lumalayo. Hindi ko magets.

Romzz1: takot siguro akong masakatan.

Romzz2: ganoon? Bakit hindi ka ba nasasaktan kapag nakahanap sila ng mga babaeng nagugustuhan at pagkatapos eh mawawala na yung interes nila sayo? Iniyakan mo kaya yung dati mong crush na nakabuntis ng babae. Di ba araw-araw payun dating dumadaan sa bahay at sisigaw ng napakalakas para ipaalam sayo na nandyan na siya tapos sisilip ka sa bintana. Young love sweet love ang dating.    O kaya yung dati mong kaklase na sobra ka kung inisin. Ikaw na lang yata ang hindi nakakaalam na crush ka nung tao. Ayon dahil BFF lang ang tingin mo sa kanya sa iba na nagkagusto.eh mas mabagal ka pa yata sa pagong makagets ng hint. O kaya yung dati mong katrabaho di ba super close din kayo noon. Araw-araw magkasama, kumain ng lunch umuwi magkuwentuhan pati sa text tsika kayo. Ano ang ginawa mo nagresign ka sa trabaho. Ano iniexpect mo hahabulin ka nung tao. hello ang dami kayang may crush doon. Suwerte ka nga ikaw ang gustong kasama eh hindi ka naman kagandahan.

Romzz1: Brokenhearted kaya ako ng mga time na yon.

Romzz2: Ah oo nga pala dahil nainlove ka nga pala sa kachat mo sa internet noon. Di ba nagpropose pa sayo yon dati bakit hindi mo tinanggap? 

Romzz1: Ano lang yon sudden burst of emotion. Hindi naman talaga siya sigurado doon.

Romzz2: Kaya pala tinanggihan mo at sinabi mong friends na lang kayo dahil sobrang layo niya sayo. Natakot ka na puntahan ka niya. natakot ka na mapalapit sa kanya. Natakot ka dahil hindi ka seksi sa personal eh hindi ka na niya magugustuhan. nakita mo ba yung bago niyang jowa? Mas mataba pa kaya sayo. Mas maputi lang. Lamang lang sayo ng konti dahil mahilig sa starwars eh talaga namang panget yung Phantom menace.

Romzz1: Oo na sige na tama ka na. ako na si takot umibig. ako na ang takot sa lalaki. ako na si puno ng insecurities. eh sa ganoon talaga ako. Hindi naman ako tumatakbo para magpahabol. Mahirap lang kasi talagang ihandle ang mga ganitong klase ng emotion. Nalimutan mo yatang Aspie ako. Madaling malito, hindi kaagad makagets, mas magaling magsulat kesa makipag-usap ng harapan, mahirap ding makalimot, kailangang lumayo ng matagal para makapag-isip. Gusto ko ba ng commited relationship? siguro. Sino bang ayaw ng may nagmamahal ang problema hindi ko siya kayang ihandle. Mahirap ipaliwanag, kapag may salita na ako para doon sasabihin ko sayo. Pero sa ngayon gusto ko munang mapag-isa.

Romzz2: yeah tayo na naman uli ang magkasama.